Հայաստանի հավաքականը դուրս մնաց բռնցքամարտի կանանց աշխարհի առաջնությունից

ԵՐԵՎԱՆ, 21 մարտի – Sputnik. Հայաստանի հավաքականը դուրս մնաց Հնդկաստանի մայրաքաղաք Նյու Դելիում ընթացքող բռնցքամարտի կանանց աշխարհի առաջնությունից։

Այսօր իրենց մենամարտերում պարտվեցին 50 կգ քաշային Անուշ Գրիգորյանը, որը նվազագույն հաշվով զիջեց ֆրանսուհի Վասիլա Լիխադիրիին, 60 կգ քաշային Էլդա Քոչարյանը պարտվեց չինացի Վենլու Յանգին, իսկ 63 կգ քաշային կարգում Սոնա Հարությունյանը զիջեց Թայպեյի ներկայացուցիչ Չենգ Վենգ Սուին։

Ավելի վաղ մրցումներում պարտություն էին կրել 48 կգ քաշային Գայանե Տեր–Բարսեղյանը, 54 կգ քաշային Եկատերինա Սիչևան և 70 կգ քաշային Անի Հովսեփյանը։

Հիշեցնենք, որ Նյու Դելիում ընթացող կանանց աշխարհի առաջնությունում Հայաստանի հավաքականից պայքարում էին վեց մարզիկներ՝ Գայանե Տեր-Բարսեղյանը (48 կգ), Անուշ Գրիգորյանը (50 կգ), Էլիդա Քոչարյանը (60 կգ), Սոնա Հարությունյանը (63 կգ) և Անի Հովսեփյանը (70 կգ): Ազգային հավաքականի մարզիչն է Ռաֆայել Մեհրաբյանը։

Առաջնության մրցանակային ֆոնդը կազմում է 2,5 մլն դոլար, հաղթողները կստանան 100.000-ական դոլար, իսկ մրցանակակիրները՝ 50.000 և 25.000 դոլար։ Այս տարի առաջնությանը մասնակցում են ռեկորդային թվով մարզուհիներ՝ 333։