ԵՐԵՎԱՆ, 17 մարտի – Sputnik. ՀՀ նախագահ Վահագն Խաչատուրյանը այցելել է Հայաստանի ազգային պատկերասրահ և Հայաստանի պատմության թանգարան ու ծանոթացել նորաբաց ցուցադրություններին։ Տեղեկությունը հայտնում է ՀՀ նախագահի մամուլի ծառայությունը։
Հայաստանի պատմության թանգարանի տնօրեն Դավիթ Պողոսյանի ուղեկցությամբ նախագահը շրջել է թանգարանի սրահներում։ Նախագահին է ներկայացրել ներկայումս իրականացվող միջոցառումների և առաջիկա ծրագրերի վերաբերյալ մանրամասներ:
ՀՀ նախագահն այցելել է ազգային պատկերասրահ և պատմության թանգարան
© Photo : official site of the President of RA
Հայաստանի ազգային պատկերասրահի տնօրեն Մարինա Հակոբյանի ուղեկցությամբ էլ նախագահը շրջել է ցուցասրահներում և ծանոթացել հայ հին և միջնադարյան մշակութային կոթողների, ինչպես նաև դասական ու ժամանակակից ստեղծագործողների ցուցադրություններին։
Նախագահը ծանոթացել է Մարտիրոս Սարյանի նախկինում չցուցադրված գրաֆիկական աշխատանքների, Հակոբ Գյուրջյանի, Եղիշե Թադևոսյանի, Վարդգես Սուրենյանցի, Գառզուի, Կամո Նիգարյանի և այլ հեղինակների աշխատանքների հետ:
ՀՀ նախագահն այցելել է ազգային պատկերասրահ և պատմության թանգարան
© Photo : official site of the President of RA