Ռուսաստանի Անվտանգության դաշնային ծառայության Ռոստովի մարզի սահմանապահ վարչության մոտ այրվում է ավտոտնակներով և պահեստով շենք: Այս մասին ՌԻԱ Նովոստիին հայտնել է աղբյուրը շրջանի արտակարգ ծառայություններում։
Նա հավելել է, որ Սահմանապահ վարչության շենքից մարդկանց դուրս են բերել։
Ռոստովի մարզի նահանգապետը հայտարարել է, որ հրդեհի պատճառը էլեկտրալարերի կարճ միացումն է եղել։ Կայծերից պայթել է վառելիքա-քսուքային նյութերով տարան։
Շենքում պայթյունի պահը ֆիքսել են տեսահսկման տեսախցիկները։ Տեսանյութը հրապարակել է RT-ն։
Դեպքի վայրում աշխատում են 25 միավոր հատուկ տեխնիկա ու 63 փրկարար։