Արսեն Թորոսյանն իր նկատմամբ քրեական հետապնդման պատճառ չի տեսնում

Արսեն Թորոսյան
Առողջապահության նախկին նախարարին կապում են կորոնավիրուսի շրջանում տեղի ունեցած չարաշահումների մասով հարուցված քրեական գործի հետ։
Sputnik
ԵՐԵՎԱՆ, 16 մարտի – Sputnik. ՀՀ Ազգային ժողովի պատգամավոր, առողջապահության նախկին նախարար Արսեն Թորոսյանը հերքում է մամուլում տարածված լուրերը, թե գլխավոր դատախազությունը մտադիր է քրեական հետապնդման նպատակով իրեն անձեռնմխելիությունից զրկելու միջնորդություն ներկայացնել։ Լրագրողների հետ զրույցում Թորոսյանն ասաց, որ դրա համար պատճառ չի տեսնում։ Նա ընդգծեց, որ իր անձի շուրջ ծավալված քննարկումների ֆոնին մանդատից հրաժարվելու հիմքեր ևս չկան։
Հակակոռուպցիոն կոմիտեն քրեական գործ է հարուցել՝ կապված 2020-2021 թվականներին Covid-19 համաճարակի դեմ պայքարի ընթացքում կատարված չարաշահումների հետ։ Գործի շրջանակում կալանավորվել են առողջապահության նախկին փոխնախարար, այժմ Երևանի փոխքաղաքապետ Գևորգ Սիմոնյանը, ինչպես նաև «Մեդլայն Կլինիկ» ԲԿ–ի տնօրեն Բաբկեն Շահումյանը։ Գործով ներգրավված են առողջապահության ոլորտի ևս 9 ներկայացուցիչներ։ Մամուլում տեղեկություններ են շրջանառվում, որ քրեական գործ կարող է հարուցվել անձամբ Արսեն Թորոսյանի դեմ։
Սիմոնյանին ու «Մեդլայն» ԲԿ-ի տնօրենին նույն խցում են նստեցրել, որ գաղտնալսեն․ «Հրապարակ»
«Ես երբևէ որև պատճառ չեմ տեսել նման միջնորդության համար։ Մամուլում կեղծ տեղեկությունների հիման վրա հրապարակումներ են անում։ Այս ամեն ինչն ինձ հետ ընդհանրապես կապ չունի, և չի կարելի նման ձևակերպումներ անել, թե իմ նկատմամբ ինչ–որ գործողություններ կլինեն»,–լրագրողների հետ ճեպազրույցում ասաց Թորոսյանը։
Նախկին նախարարն ընդգծեց, որ ինքը շատ հստակ իր հաղորդագրություններում կետերով նշել է առկա պրոբլեմները։
«Հույս ունեմ, որ այն մարմինները, որոնք այդ պրոբլեմներով զբաղվում են նաև իրենց ներքին ընթացակարգերով կպարզեն, թե ինչու է այդ ամենը տեղի ունեցել, և ի վերջո արդարադատությունը կհաղթի»,–ասաց նա։
Թորոսյանն ընդգծեց, որ եթե ժամանակին իրեն և գործող նախարարին հարցեր ուղղեին, նման քրեական գործ չէր լինի։
ՀՀ–ում համակարգային կոռուպցիա չկա. Փաշինյանը` աղմկահարույց ձերբակալությունների մասին