ՀՀ–ում լիարժեք գարուն է սկսվում. եղանակի տեսություն

ԵՐԵՎԱՆ, 15 մարտի – Sputnik. Հայաստանի Հանրապետության տարածքում մարտի 15-ի, 18-ի և 19-ի գիշերը սպասվում է առանց տեղումների եղանակ: Մարտի 15-ի և 18-ի ցերեկն առանձին շրջաններում, 16-17-ը, 19-ի ցերեկը շրջանների զգալի մասում սպասվում է անձրև: Տեղեկությունը հայտնում է ՇՄՆ «Հիդրոօդերևութաբանության և մոնիտորինգի կենտրոնը»։

Քամին կլինի հարավարևելյան` 2-4 մ/վ արագությամբ, մարտի 15-ին առանձին վայրերում սպասվում է քամու ուժգնացում` 12-15 մ/վ:

Մարտի 16-ի ցերեկն օդի ջերմաստիճանը կնվազի 5-7 աստիճանով:

Երևան քաղաքում մարտի 15-ին, 18-ին, 19-ի գիշերը սպասվում է առանց տեղումների եղանակ: Մարտի 16-ին, 17-ի գիշերը և առավոտյան, 19-ի ցերեկը սպասվում է անձրև:

Մայրաքաղաքում մարտի 15–ի գիշերը եղել է 8-10 աստճան տաքություն, իսկ ցերեկային ժամերին կգրանցվի +21....+23 աստիճան։