ԵՐԵՎԱՆ, 12 մարտի – Sputnik. Կոտայքի մարզի Գեղաշեն գյուղի տներից մեկում հայտնաբերվել է տղամարդու այրված և մոխրացած դի։ Տեղեկությունը հայտնում է shamshyan.com–ը։
Դեպքի մասին ահազանգը ՆԳՆ–ում ստացվել է ժամը 11։20-ի սահմաններում։
«Ոստիկանները նշված գյուղի առաջին փողոցի տներից մեկի սենյակում հայտնաբերել են այրված մահճակալ, որտեղ պառկած վիճակում հայտնաբերել են նույն տան բնակիչ 52-ամյա Համլետ Բ․-ի այրված, մոխրացած դին»,– ասված է կայքում։
Նշանակվել է դիակի դատաբժշկական փորձաքննություն։ Դեպքի առնչությամբ սպանության հատկանիշներով նախաձեռնվել է քրեական վարույթ։
Կայքի տեղեկություններով՝ ոստիկանություն ահազանգողը եղել է մահացածի եղբայրը։