ԵՐԵՎԱՆ, 6 մարտի - Sputnik. Գորիս-Սիսիան ավտոճանապարհի 8-րդ կմ-ին «BMW» մակնիշի ավտոմեքենան դուրս է եկել ճանապարհի երթևեկելի գոտուց և մոտ 50 մետր գլորվել մոտակա ձորը, տեղեկացնում են ՆԳՆ փրկարար ծառայությունից։
Սյունիքի մարզային ճգնաժամային կառավարման կենտրոնում մարտի 5-ին, ժամը 23:22-ին ահազանգ է ստացվել, որ Շինուհայր գյուղի խաչմերուկում տեղի է ունեցել ՃՏՊ։
Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ։
Պարզվել է, որ Գորիս-Սիսիան ավտոճանապարհի 8-րդ կմ-ին «BMW» մակնիշի ավտոմեքենան (վարորդ՝ Հ․ Հ․) դուրս է եկել ճանապարհի երթևեկելի գոտուց և մոտ 50 մետր գլորվել մոտակա ձորը։
Մինչ փրկարարների կանչի վայր հասնելը՝ վարորդը հոսպիտալացվել է Գորիս քաղաքի ԲԿ, սակայն ճանապարհին մահացել է։
Ըստ shamshyan.com-ի՝ մահացածը Սյունիքի մարզի բնակիչ 21-ամյա Հ. Հարությունյանն է։