ԵՐԵՎԱՆ, 3 մարտի – Sputnik. Այսօր պայթյուն է որոտացել Չեռնոգորիայի Պոդգորիցա քաղաքի գլխավոր դատարանի շենքում։ Տեղեկությունը հայտնում է բալկանյան RT-ն։
Ոստիկանության տվյալներով՝ միջադեպի հետևանքով տուժել է 5 մարդ, նրանցից մեկը ծանր վիճակում է։
Դեպքի վայրում աշխատում են ոստիկանության և արտակարգ իրավիճակների ծառայության աշխատակիցները։
Պայթուցիկ սարքը գործի է դրվել անմիջապես դատարանի դահլիճում։ Իրավապահ մարմինները հետաքննություն են սկսել։
Չեռնոգորիայի լրատվամիջոցները հայտնում են, որ դատարանի մուտքի մոտ ձեռքի նռնակը պայթեցրել է 39-ամյա մի տղամարդ։ Նա տեղում մահացել է:
Նշվում է, որ ավելի վաղ երկրում տարածվել էր շենքերի, այդ թվում՝ բարձրագույն դատարանի և խորհրդարանի ականապատման մասին կեղծ հաղորդագրությունների ալիքը: Սակայն ազդանշանները չէին հաստատվել։