Փաշինյանը Քուվեյթի էմիր շեյխ Նաուաֆ Ալ–Ահմադ Ալ–Ջաբեր Ալ–Սաբահին և վարչապետ Ահմադ Նաուաֆ Ալ-Ահմադ Ալ-Սաբահին մաղթել է քաջառողջություն, հաջողություններ և երջանկություն, իսկ Քուվեյթի բարեկամ ժողովրդին` հարատև առաջընթաց և կայունություն։
«Լիահույս եմ, որ մեզ կհաջողվի իրացնել Հայաստանի և Քուվեյթի միջև առկա համագործակցության մեծ ներուժը՝ նոր լիցք հաղորդելով երկկողմ հարաբերությունների զարգացմանը՝ ի բարօրություն մեր ժողովուրդների»,– ասված է էմիրին ուղղված ուղերձում։
Իսկ վարչապետին ուղղված տեքստում նա վստահեցրել է, որ Հայաստանը հաստատակամ է ՀՀ–ի և Քուվեյթի Պետության միջև հարաբերությունները որակական նոր մակարդակի բարձրացնելու հարցում։
ՀՀ նախագահն էլ Քուվեյթի էմիրին հղած իր ուղերձում հայտնել է` հավատացած է, որ Հայաստանի ու Քուվեյթի միջև առկա երկխոսությունը կշարունակի նպաստել փոխգործակցության զարգացմանն ու խորացմանը` ի շահ երկու պետության ժողովուրդների։
Թագաժառանգի ուղերձում ասվում է. «Հայաստանը կարևորում է Քուվեյթի հետ փոխադարձ հարգանքի և վստահության վրա հիմնված բարեկամական հարաբերությունների խորացումը»։
Խաչատուրյանը հույս է հայտնել, որ առաջիկայում հայ–քուվեյթական կապերը կամրապնդվեն` նախանշելով փոխգործակցության նոր ուղղություններ։