Քամիների պատճառով դադարեցվել են դասերը Վաղաշեն, Զոլաքար, Վարդենիկ բնակավայրերի դպրոցներում

ԵՐԵՎԱՆ, 22 փետրվարի - Sputnik. Փետրվարի լույս 22-ի ողջ գիշերը գրանցված ուժեղ քամիների հետևանքով հոսանքազրկվել են Գեղարքունիքի մարզի Մարտունի համայնքի Վաղաշեն, Զոլաքար, Վարդենիկ բնակավայրերը։

Տեղեկությունը հայտնում են Գեղարքունիքի մարզպետարանից։

Ջեռուցման բացակայությամբ պայմանավորված՝ կասեցվել է նշված բնակավայրերի դպրոցների դասապրոցեսը։

Բաց թողնված դասերը կլրացվեն շաբաթ օրը՝ փետրվարի 25-ին։