Սպասվում է քամու ուժգնացում. եղանակի տեսություն

ԵՐԵՎԱՆ, 20 փետրվարի - Sputnik. Հայաստանի Հանրապետության տարածքում 20-ի երեկոյան ժամերին, 21-ի և 22-ի գիշերն առանձին շրջաններում սպասվում է ձյուն, 21-ի ցերեկը շրջանների զգալի մասում սպասվում են տեղումներ, հովտային գոտիներում՝ անձրևի և ձնախառն անձրևի տեսքով։

Տեղեկությունը հայտնում է ՀՀ ՇՄՆ «Հիդրոօդերևութաբանության և մոնիտորինգի կենտրոնը» և հավելում, որ փետրվարի 20-ի գիշերը, 22-ի ցերեկը, 23-24-ը սպասվում է առանց տեղումների եղանակ:

Քամին հարավ-արևմտյան է՝ 4-6 մ/վ արագությամբ, փետրվարի 20-23-ը սպասվում է քամու ուժգնացում՝ 17-22 մ/վ։

Օդի ջերմաստիճանը փետրվարի 19-20-ի ցերեկն աստիճանաբար կբարձրանա 5-7 աստիճանով:

Երևան քաղաքում փետրվարի 20-ին, 22-24-ը սպասվում է առանց տեղումների եղանակ։ Փետրվարի 21-ին սպասվում են տեղումներ:

Մայրաքաղաքում փետրվարի 20–ի գիշերը եղել է 0...-2 աստիճան ցուրտ, իսկ ցերեկային ժամերին կգրանցվի +11....+13 աստիճան տաքություն։