Կալուգայի մարզում ահաբեկչություն է կանխվել. «Իսլամական պետություն»* ահաբեկչական խմբավորման անդամները նախատեսում էին պայթեցնել քիմձեռնարկության վառելաքսուքային նյութերով տարաները։ Այս մասին հայտնում է ՌԴ ԱԴԾ հանրային կապերի կենտրոնը։
Նշվում է, որ ահաբեկչությունը նախապատրաստում էին Կենտրոնական Ասիայի տարածաշրջանի հանրապետություններում ծնված երկու անձինք։
Նշվում է նաև, որ չարագործները հավատարմության երդում են տվել ԻՊ–ին և հանցագործությունից հետո ցանկացել են մեկնել Սիրիայում ռազմական հակամարտության գոտի։
Ձերբակալման ժամանակ նրանք զինված դիմադրություն են ցուցաբերել և պատասխան կրակով վիրավորում ստացել, որոնք անհամատեղելի են եղել կյանքի հետ։
Իրավապահ մարմինների և ՌԴ քաղաքացիական բնակչության շրջանում կորուստներ և տուժածներ չկան։
Ահաբեկիչների բնակության հասցեով հայտնաբերվել է պայթուցիկ նյութերի արտադրման լաբորատորիա, մեծ հզորության պատրաստի ինքնաշեն պայթուցիկ սարք, ինչպես նաև հրկիզող խառնուրդով տարաներ, հրազեն և զինամթերք։
Քրեական գործ է հարուցվել ահաբեկչական գործողություններ նախապատրաստելու վերաբերյալ։
* «Իսլամական պետություն» (ԻՊ)` ՌԴ–ում և մի շարք այլ երկրներում արգելված ահաբեկչական խմբավորում։