Ջրհեղեղ Նոր Զելանդիայում. զոհերի թիվն աճում է

ԵՐԵՎԱՆ, 17 փետրվարի – Sputnik. Նոր Զելանդիայում «Գաբրիել» ցիկլոնով պայմանավորված ջրհեղեղի զոհերի թիվը հասել է 9–ի։ Այս մասին հայտնում է New Zealand Herald–ը։

Ավելի վաղ հայտնել էին 5 զոհվածի և ավելի քան 3.5 հազար անհետ կորածների մասին։ Նախնական տվյալներով` չի հաջողվում կապ հաստատել 4.5 հազար մարդու հետ։

Նշվում է, որ Հոքս Բեյ շրջանի Հյուսիսային կղզում ավելի քան 37 հազար տուն հոսանքազրկված է մնում, դրանցից 31.5 հազարը` Նեյպիր քաղաքում։

Նեյպիրի նավահանգստում ժամանակավոր դիահերձարան է տեղադրվել նոր զոհեր գտնելու մտավախությունից ելնելով։