Գորիսում Տեառնընդառաջի նախատոնակը նշվել է ազգային երգ ու պարով։ Գորիսի համայնքապետարանի ֆեյսբուքյան էջում հրապարակված տեսանյութում երևում է, թե ինչպես են Սուրբ Գրիգոր Լուսավորիչ եկեղեցու բակում մեծ խարույկ վառել։
Կրակի շուրջը ազգային երգերի հնչյունների ներքո շուրջպար են բռնել երեխաներն ու երիտասարդները։
Հիշեցնենք, որ փետրվարի 14-ին Հայ առաքելական սուրբ եկեղեցին նշում է 40-օրյա մանուկ Հիսուսի տաճարին ընծայման տոնը` Տեառնընդառաջը: Ամենայն հայոց կաթողիկոս Գարեգին Երկրորդի տնօրինությամբ Տեառնընդառաջի պատարագից հետո հայոց եկեղեցիներում տեղի է ունենում նորապսակների օրհնության կարգ: