ԵՐԵՎԱՆ, 11 փետրվարի – Sputnik. 85 տարեկանում մահացել է Թուրքիայի նախկին արտգործնախարար և ընդդիմադիր Ժողովրդահանրապետական կուսակցության նախկին առաջնորդ Դենիզ Բայկալը։ Տեղեկությունը հայտնում է ՌԻԱ Նովոստին` հղում անելով կուսակցության ներկայիս նախագահ Քեմալ Քըլըչդարօղլուին։
«Ցավով տեղեկացա Թուրքիան և ԺՀԿ–ն սիրող մեր առաջնորդի մահվան մասին», – Twitter–ում գրել է Քըլըչդարօղլուն։
Մահվան պատճառը նա չի նշել։
Քաղաքական կարիերայի ընթացքում Բայկալը եղել է Թուրքիայի արտգործնախարար և փոխվարչապետ (1995-1996 թթ), ֆինանսների և էներգետիկայի նախարար, խորհրդարանի խոսնակ, ավելի քան 18 տարի (դադարներով) գլխավորել է ընդդիմադիր ԺՀԿ կուսակցությունը։