Թուրքիայի և Սիրիայի երկրաշարժերից հրաշքով փրկված երեխաները. լուսանկարներ

Թուրքիայում և Սիրիայում տեղի ունեցած հզոր երկրաշարժից հետո հազարավոր մարդիկ դեռևս փլատակներում են:

Միևնույն ժամանակ փրկարարները դուրս են բերում հրաշքով ողջ մնացածներին, որոնց թվում նաև երեխաներ կան։

Մալաթիա քաղաքում փրկել են փլատակներում մեկ օր մնացած 3 տարեկան մի աղջկա։

Իսկ Սիրիայի Հալեպ նահանգում փլատակներից դուրս են բերել մի փոքրիկի, որը ծնվել է երկրաշարժից հետո։ Մորը փրկել չի հաջողվել։

1 / 12

Փրկված երեխա Մալաթիայում (Թուրքիա)

2 / 12

Երկրաշարժից հետո Դանայում փլուզված շենքի փլատակներում հայտնաբերված տղային տեղափոխում են փրկարարները (Սիրիա)

3 / 12

Երկրաշարժից հետևանքով Ջանդարիս քաղաքում փլուզված շենքի փլատակներից դուրս են բերում վիրավոր աղջկան (Սիրիա)

4 / 12

Բեսնիա գյուղում տղամարդը տեղափոխում է երկրաշարժից տուժած երեխային (Իդլիբ, Սիրիա)

5 / 12

Երկրաշարժից տուժած աղջիկը Դարկուշ քաղաքի հիվանդանոցում (Սիրիա)

6 / 12

Ջանդարիս քաղաքում երկրաշարժի հետևանքով փլուզված շենքի փլատակներից դուրս բերված երեխան (Սիրիա)

7 / 12

Աթարիբ քաղաքում տղամարդը վիրավոր երեխային հիվանդանոց է տեղափոխում (Սիրիա)

8 / 12

Էլբիստանում փլված շենքի փլատակներից 8-ամյա տղային դուրս են բերել փրկարարներն ու բժիշկները (Թուրքիա)

9 / 12

Տղամարդը տեղափոխում է ավերիչ երկրաշարժից հետո հրաշքով ողջ մնացած նորածնին (Սիրիա)

10 / 12

Այս նորածնին փլատակներում գտել են մոր պորտալարին կապված (Սիրիա)

11 / 12

Երեխաները Հալեպում փլուզված բնակելի տան մոտ (Սիրիա)

12 / 12

Իդլիբի հիվանդանոցում վիրավոր երեխան սպասում է բուժման իր հերթին (Սիրիա)

Հիշեցնենք, որ փետրվարի 6–ին` ժամը 05.17–ին, Թուրքիայի Ղահրամանմարաշ գավառում երկրաշարժ է տեղի ունեցել, որն ավերածությունների է հանգեցրել մի շարք քաղաքներում։ Երևանի ժամանակով 14։24-ին և 14։36-ին ևս 2 ուժգին երկրաշարժ է գրանցվել։ Էպիկենտրոնային գոտում ստորգետնյա ցնցման ուժգնությունը կազմել է 10-11 բալ: Երկրաշարժից 10 նահանգ է տուժել, որոնց ընդհանուր բնակչությունը մոտ 13 միլիոն է կազմում:

Թուրքիայի նախագահ Ռեջեփ Թայիփ Էրդողանը 3 ամսով արտակարգ դրություն Է հայտարարել երկրաշարժից տուժած նահանգներում։

Թուրքիայում երկրաշարժի զոհերի թիվն արդեն անցել է 5400–ի սահմանը, Սիրիայում շուրջ 1500 մարդ է մահացել։