ԵՐԵՎԱՆ, 3 փետրվարի – Sputnik. Ֆրանսիայում մահացել է հանրահռչակ դիզայներ Պակո Ռաբանը։ Տեղեկությունը հայտնում է «Le Monde»–ը։ 88-ամյա դիզայների մահվան լուրը հաստատել է «Puig» իսպանական խումբը, որը վերահսկում է «Paco Rabanne» նորաձևության տունն ու օծանելիքի նրա բիզնեսը։
«Պակո Ռաբանին գրավում էին հնարավորի և անհնարի սահմանները։ Ուրիշ ո՞վ կարող էր նորաձևությանը հետևող փարիզուհիներին դրդել, որ պլաստիկից և մետաղից զգեստներ պահանջեն։ Ո՞վ, եթե ոչ Պակո Ռաբանը կարող էր ստեղծել «Calandre» (գոլորշու խցիկ. խմբ. ) անվանումով բույրը և դարձնել այն ժամանակակից կանացիության խորհրդանիշ», – ասել է «Puig Хосе» նորաձևության և գեղեցկության բաժնի ղեկավար Մանուել Ալբեսան։
Նա հավելել է, որ Պակո Ռաբանը տարբերվում էր իր արմատական, ըմբոստ ոգով։
«Կա միայն մեկ Ռաբան։ Նրա մահով մենք կրկին հիշում ենք այն հսկայական ազդեցությունը, որը նա թողեց ժամանակակից նորաձևության վրա, այն ոգին, որն ապրում է նրա անունը կրող տանը»։
Պակո Ռաբանը ծնվել է 1934 թվականի փետրվարի 18-ին Բասկերի երկրում։ Մեծ ճանաչման է հասել 1960-ականներին։ Առաջին հավաքածուն ներկայացրել է 1966 թվականին Փարիզում ։ Զգեստներն արված էին այլընտրանքային նյութերից` պլաստիկ, թուղթ, մետաղ։ Նրա զգեստները կրել են կինոյի աստղերը, այդ թվում` Օդրի Հեփբյորնը և Ջեյն Ֆոնդան։