ԵՐԵՎԱՆ, 2 փետրվարի – Sputnik. Ստալինգրադի ճակատամարտում տարած հաղթանակի 80-րդ տարեդարձի առթիվ Հայաստանի Հանրապետական կուսակցության ներկայացուցիչները Մայր Հայաստան հուշահամալիրում ծաղկեպսակ են դրել ու ծաղիկներ խոնարհել Հավերժական կրակի մոտ։ Տեղեկությունը «Ֆեյսբուքի» իր էջում հայտնել է ՀՀԿ խոսնակ Էդուարդ Շարմազանովը։
ՀՀԿ–ականները ծաղկեպսակ են դրել Հավերժական կրակի մոտ
© Photo : Էդուարդ Շարմազանով \ Eduard Sharmazanov
«Ակնհայտ է,որ նացիստների հաղթանակի դեպքում Թուրքիան պատրաստ էր հարձակվել ու գրավել Խորհրդային Հայաստանը՝ վերջ դնելով Հայկական հարցին... պապս՝ Պետրոս Ավագյանը վիրավորվել է Ստալինգրադում»,–գրել է Շարմազանովը։
Հիշեցնենք` ուղիղ 80 տարի առաջ՝ 1943 թվականի փետրվարի 2-ին, ավարտվեց Ստալինգրադի ճակատամարտը։
Ամիսներ շարունակ տևած հերոսամարտին մասնակցել են նաև հայ ժողովրդի 30 հազար զավակներ, որոնցից 10 հազարը նահատակվել են կատաղի մարտերում։
ՀՀԿ–ականները ծաղկեպսակ են դրել Հավերժական կրակի մոտ
© Photo : Էդուարդ Շարմազանով \ Eduard Sharmazanov
200 օր ու գիշեր Դոնի և Վոլգայի ափերին, իսկ հետո Ստալինգրադի մերձակայքում մարտեր են մղվել։ Սա Հայրենական մեծ պատերազմի պատմության ամենարյունալի մարտերից մեկն էր։
Խորհրդային զորքի հաղթանակը ամբողջովին փոխեց Հայրենական մեծ պատերազմի ընթացքը։