Մեկ շաբաթվա ընթացքում Երևանում և մարզերում ծառայություն իրականացնող պարեկները հայտնաբերել են ոչ սթափ վիճակում մեքենա վարելու 302 դեպք, որից 216-ը` Երևանում, 86-ը` մարզերում։ Տեղեկությունը հայտնում է ոստիկանության մամուլի ծառայությունը։
Միայն Երևանում հունվարի 23-ից 30-ը իրականացված ծառայության ընթացքում պարեկները հայտնաբերել են ճանապարհային երթևեկության կանոնների 4259 խախտում՝ պահպանվող հատուկ տարածք տեղափոխելով 111 մեքենա։ 275 անձ մեքենա է վարել առանց վարորդական իրավունքի։
«Հայտնաբերվել են հաշվառման համարանիշի հետ կապված 82, գերձայնային ազդանշաններով կամ փարոսիկներով երթևեկելու 1, չամրակապված վարելու 111, վարելիս ծխախոտային արտադրատեսակ օգտագործելու 182, հետիոտնի՝ ոչ սահմանված վայրով անցնելու 165 իրավախախտումներ։ 275 մեքենա շահագործվել է առանց ԱՊՊԱ պայմանագրի, 480-ը՝ տեխնիկական զննություն չանցած, 104-ը՝ թաղանթապատված դիմապակիով»,– նշված է հաղորդագրության մեջ։
Եվս 61 անձ ձերբակալվել ու բաժիններ է տեղափոխվել տարբեր կասկած։
Շիրակի, Լոռու, Տավուշի, Գեղարքունիքի, Կոտայքի և Արագածոտնի մարզերի պարեկները հայտնաբերել են ճանապարհային երթևեկության կանոնների 4248 խախտում, պահպանվող հատուկ տարածքներ են տեղափոխվել 265 ավտոմեքենա։ Նշված մարզերում 294 անձ ավտոմեքենա է վարել առանց վարորդական իրավունքի վկայականի, 327 մեքենա շահագործվել է առանց ԱՊՊԱ պայմանագրի, 1485-ը՝ տեխնիկական զննություն չանցած, 65-ը՝ թաղանթապատված դիմապակիով։
Այլ իրավախախտոմներ ևս հայտնաբերվել են, 33 անձ էլ տարբեր կասկածներով ձերբակալվել ու բաժիններ են տարվել։