Ջերմաստիճանը վաղվանից կբարձրանա Արցախում ու ՀՀ մի քանի մարզում. եղանակի տեսություն

ԵՐԵՎԱՆ, 24 հունվարի - Sputnik. Հայաստանի Հանրապետության տարածքում հունվարի 25-27-ը, 28-ի գիշերը սպասվում է առանց տեղումների եղանակ: Հունվարի 28-ի ցերեկը, 29-ին առանձին շրջաններում սպասվում են տեղումներ: Տեղեկությունը հայտնում է ՀՀ ՆԳՆ մամուլի ծառայությունը։

Հաղորդագրության համաձայն` քամին կլինի հյուսիսարևմտյան` 2-5 մ/վ արագությամբ:

Հունվարի 26-29-ի ցերեկն օդի ջերմաստիճանը Լոռիում, Տավուշում, Սյունիքում և Արցախում կբարձրանա 8-10 աստիճանով:

Երևան քաղաքում հունվարի 25-27-ը, 28-ի գիշերը սպասվում է առանց տեղումների եղանակ:

Հունվարի 28-ի ցերեկը, 29-ին սպասվում են տեղումներ: