ԵՐԵՎԱՆ, 23 հունվարի – Sputnik. ՀՀ արդարադատության նախարարության «Վանաձոր» քրեակատարողական հիմնարկի ծառայողները կառույցի հիմնական պատի և բնակելի մասնաշենքի միջնամասում հայտնաբերել են մարիխուանայի նմանվող զանգված։ Տեղեկությունը հայտնում է ՀՀ քրեակատարողական ծառայության մամուլի ծառայությունը։
«Վանաձոր» ՔԿՀ–ի տարածքում մարիխուանային նմանվող զանգված են հայտնաբերել
«Հունվարի 21-ին՝ ժամը 13:10-ի սահմաններում, «Վանաձոր» ՔԿՀ ծառայողները տեղանքի զննություն են իրականացրել` իրացնելով նույն հիմնարկի օպերատիվ բաժնում ստացված տեղեկությունները»,– ասված է հաղորդագրության մեջ։
«Վանաձոր» ՔԿՀ–ի տարածքում մարիխուանային նմանվող զանգված են հայտնաբերել
Տեղազննության արդյունքում նշված տարածքից հայտնաբերվել է ներնետված փաթեթ, որում եղել է մարիխուանա տեսակի թմրամիջոցին նմանվող, 3,1 գրամ քաշով դեղնականաչավուն զանգված: