ԵՐԵՎԱՆ, 22 հունվարի – Sputnik. Նիդեռլանդներում ընթացող Tata Steel Chess մրցաշարի 7-րդ տուրում Լևոն Արոնյանը ոչ-ոքի խաղաց Նիդեռլանդների ներկայացուցիչ Անիշ Գիրիի հետ։
Հիմա ԱՄՆ–ն ներկայացնող Արոնյանն իր հաշվին ունի 4 միավոր և զբաղեցնում է մրցաշարային աղյուսակի 6-րդ տեղը։ Նա 6 հանդիպում ավարտել է ոչ–ոքիով, 1-ը` հաղթանակով։
Մրցաշարի միանձնյա առաջատարն Ուզբեկստանը ներկայացնող Նոդիրբեկ Աբդուսատորովն է։ Այս պահին նա ունի վաստակած 5,5 միավոր։
Հիշեցնենք, որ Tata Steel Chess–ն անցկացվում է Նիդեռլանդների Վեյկ ան Զե քաղաքում հունվարի 13-29–ը։ Մասնակցում են 14 ուժեղագույն շախմատիստներ` Մագնուս Կարլսենը (Նորվեգիա), Դին Լիրենը (Չինաստան), Ֆաբիանո Կարուանան (ԱՄՆ), Անիշ Գիրին (Նիդեռլանդներ), Ուեսլի Սոն (ԱՄՆ), Լևոն Արոնյանը (ԱՄՆ), Ռիխարդ Ռապորտը (Ռումինիա), Դոմմարաջու Գուկեշը (Հնդկաստան), Արջուն Էրիգայսին (Հնդկաստան), Պարհամ Մագսուդլուն (Իրան), Նոդիրբեկ Աբդուսատտորովը (Ուզբեկստան), Վինսենթ Կայմերը (Գերմանիա), Ռամեշբաբուն Պրագնանանդհա (Հնդկաստան), Յորդեն Վան Ֆորսեթ (Նիդեռլանդներ):