ԵՐԵՎԱՆ, 15 հունվարի – Sputnik. Ռուսական «Մարկեր» մարտական ռոբոտը, որը մահաբեր են անվանում, փորձարկվելու է հատուկ ռազմական գործողության գոտում։ Տեղեկությունը Telegram-ի անձնական ալիքում հայտնել է ռազմական խորհրդականների խմբի և «Царские волки» գիտատեխնիկական կենտրոնի ղեկավար Դմիտրի Ռոգոզինը։
Ռոգոզինի խոսքով՝ ավելի վաղ «Մարկերն» արդեն փորձարկել են Վոստոչնի տիեզերակայանի պահպանության համակարգում։ Այժմ մի քանի նմանատիպ մեքենաներ կուղարկվեն Դոնբաս։ Նա նշել է, որ ռոբոտի փորձարկումների կազմակերպմամբ զբաղվում է «Царские волки» կենտրոնի տեսչական խումբը։
2022 թվականի սեպտեմբերին «Անդրոիդային տեխնիկա» գիտաարտադրական միավորումը հայտնել էր, որ Ռուսաստանում քննարկվում է «Մարկեր» հեռանկարային մարտական ռոբոտի սերիական արտադրությունը սկսելու հնարավորությունը՝ «Ռոսկոսմոսի» և «Ռոսգվարդիայի» համար։
Նույն ամսին ՏԱՍՍ-ը, հղում անելով «Անդրոիդային տեխնիկա» ՀԿ-ի մամուլի ծառայությունը, հաղորդել էր, որ «Մարկեր» մարտական ռոբոտը կարող է մինչև 16 կվադրոկոպտեր-կամիկաձե կրող դառնալ: