Մահացել է Իննա Չուրիկովան

ԵՐԵՎԱՆ, 14 հունվարի – Sputnik. Կյանքի 80-րդ տարում մահացել է հանրահայտ դերասանուհի Իննա Չուրիկովան։ Տեղեկությունը հայտնում է ՌԻԱ Նովոստին` հղում անելով «Լենկոմ» թատրոնի տնօրեն Մարկ Վարշավերին։

Չուրիկովայի հրաժեշտի արարողությունը տեղի կունենա հունվարի 17-ին «Լենկոմ» թատրոնում։

Նշենք, որ Չուրիկովան ծնվել է 1943 թվականին Բաշկիրիայի Բելեբեյ քաղաքում։ 1965-ին ավարտել է Շչեպկինի անվան բարձրագույն թատերական դպրոցը: Նկարահանվել է մի շարք հանրահայտ ֆիլմերում` «Այն նույն Մյունհաուզենը», «Մորոզկո», «Շիրլի-միրլի», «Ապուշը» և այլն։ 1991 թվականին Չուրիկովան ստացել է ԽՍՀՄ ժողովրդական արտիստի կոչում։