ԵՐԵՎԱՆ, 9 հունվարի – Sputnik. Վեդի-Լանջառ ավտոճանապարհին ՃՏՊ է տեղի ունեցել, որի հետևանքով երկու մարդ է մահացել, ևս երկուսն էլ տեղափոխվել են հիվանդանոց։ Տեղեկությունը հայտնում է ՀՀ արտակարգ իրավիճակների նախարարությունը։
Արարատի մարզային ճգնաժամային կառավարման կենտրոնը ՃՏՊ-ի վերաբերյալ ահազանգը ստացել է հունվարի 9-ին՝ ժամը 01:29-ին։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:
Պարզվել է, որ Վեդի-Լանջառ ավտոճանապարհի 38-րդ կմ-ին «Mercedes-Benz» մակնիշի ավտոմեքենան (վարորդ՝ Հ. Խ., ծնված 1991 թ.) դուրս է եկել ճանապարհի երթևեկելի հատվածից և մոտ 100 մետր գլորվել ձորը, վարորդը և ուղևոր Ն. Գ.-ն (ծնված 1994 թ.) տեղում մահացել են, իսկ ուղևորներ Ռ. Գ.-ն (ծնված 1988 թ.) և Ծ. Ա.-ն (ծնված 1992 թ.) հոսպիտալացվել են Արարատ քաղաքի ԲԿ, որտեղ բժիշկները Ռ. Գ.-ի առողջական վիկակը գնահատել են միջին ծանրության, իսկ Ծ.Ա.-ինը՝ բավարար:
Փրկարարները հոսանքազրկել են ավտոմեքենան, փակել գազի բալոնի փականը, դիերը դուրս են բերել ձորից և մոտեցրել շտապօգնության մեքենային: