Օդի ջերմաստիճանը կբարձրանա, բացառությամբ Արարատյան դաշտի և Երևանի. եղանակի տեսություն

ԵՐԵՎԱՆ, 2 հունվարի - Sputnik. Հայաստանի Հանրապետության տարածքում հունվարի 2-6-ը սպասվում է առանց տեղումների եղանակ։ Տեղեկությունը հայտնում են ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ-ից։

Օդի ջերմաստիճանը, բացառությամբ Արարատյան դաշտի և Երևանի, հունվարի 2-ին կբարձրանա 3-5 աստիճանով։

Շիրակի և Արագածոտնի մարզերում գիշերը գրանցվել է -15 աստիճան ցուրտ։

Երևան քաղաքում հունվարի 2-6-ը սպասվում է առանց տեղումների եղանակ:

Մայրաքաղաքում հունվարի 2–ի գիշերը եղել է 6-8 աստիճան ցուրտ, իսկ ցերեկային ժամերին կգրանցվի +5...+7 աստիճան տաքություն։