ԵՐԵՎԱՆ, 31 դեկտեմբերի - Sputnik. Հայաստանի Հանրապետության տարածքում 2022–ի վերջին օրը` դեկտեմբերի 31–ին, հունվարի 1-4-ը սպասվում է առանց տեղումների եղանակ, հայտնում է ԱԻՆ մամուլի ծառայությունը:
Դեկտեմբերի 31-ին, հունվարի 1-4-ի լուսադեմին Արարատյան դաշտի առանձին հատվածներում սպասվում է մառախուղ։
Օդի ջերմաստիճանը հունվարի 1-2-ը կբարձրանա 3-5 աստիճանով՝ բացառությամբ Արարատյան դաշտի և Երևանի։
Երևան քաղաքում դեկտեմբերի 31-ին, հունվարի 1-4-ը սպասվում է առանց տեղումների եղանակ, լուսադեմին ցածրադիր գոտում՝ մառախուղ:
Մայրաքաղաքում տարվա վերջին գիշերը եղել է 5-7 աստիճան ցուրտ, իսկ ցերեկային ժամերին կգրանցվի +4....+6 աստիճան։