Օդեսայում Եկատերինա II-ի ապամոնտաժված հուշարձանի փոխարեն տեղադրել են Ուկրաինայի դրոշը։ Այս մասին հայտնել է մարզային ռազմական վարչակազմի ղեկավարի խորհրդական Սերգեյ Բրատչուկը։
Օդեսայում այս գիշեր ապամոնտաժել են Սուվորովի և Եկատերինա II-ի հուշարձանները, տեղեկանում ենք Sputnik Live-ի էջից։
Քաղաքի հիմնադիր կայսրուհու հուշարձանի ապամոնտաժման օգտին, իբր, քվեարկել են «ակտիվ քաղաքացի» պորտալում։
Ավելի վաղ Օդեսայի քաղաքապետ Գենադի Տրուխանովը հայտարարել էր, որ հուշարձանների ապամոնտաժումը դժգոհություն կառաջացնի հասարակության շրջանում և կնպաստի ռուսամետ տրամադրությունների աճին։ Դրանից հետո Զելենսկին Ուկրաինայի ազգային անվտանգության ծառայությունից և ՆԳՆ-ից պահանջել է ստուգել, թե քաղաքապետը որքանով է հավատարիմ Կիևին։