ԵՐԵՎԱՆ, 24 դեկտեմբերի – Sputnik. Մահացել է «Ծուռ հայելու» (Кривое зеркала) աստղ Ալեքսանդր Պոնոմարենկոն։ Տեղեկությունը հայտնում է հաղորդավար Անդրեյ Մալախովը։
«Նա 55 տարեկան էր։ Մեկ ամիս առաջ դեռ հույս կար, մենք հաղորդում էինք նկարահանում, նա լավ տրամադրություն ուներ… Նա հավատում էր, որ լավ է լինելու»,- գրել է Մալախովը Telegram–ում։
Հիշեցնենք` Պոնոմարենկո եղբայրների հումորային դուետը մեծ համբավ ձեռք բերեց Եվգենի Պետրոսյանի ղեկավարած «Ծուռ հայելի» ծրագրի շնորհիվ, բայց եղբայրների ելույթներն ավարտվեցին Ալեքսանդրի հիվանդանալուց հետո։ Նրանք մեկուկես տարի բեմ չբարձրացան։ Ալեքսանդրի մոտ ստամոքսի քաղցկեղ էր ախտորոշվել։ Բժիշկները հիվանդությունը հայտնաբերել էին շտապ վիրահատությունից հետո, երբ համերգից անմիջապես հետո դերասանի ինքնազգացողությունը վատացել էր, և նրան տեղափոխել էին հիվանդանոց։