ԵՐԵՎԱՆ, 13 դեկտեմբերի - Sputnik. Ուկրաինայի զինված ուժերը Ռուսաստանի հետ հակամարտության ֆոնին բախվել են սպառազինությունների պաշարների սպառմանը։ Այս մասին գրում Է Financial Times-ը` հղում անելով ուկրաինական բանակի ներկայացուցիչներին։
Պարբերականի տեղեկություններով, խոսքը, մասնավորապես, Ս-300 և «Բուկ» զենիթահրթիռային համալիրների զինամթերքի և պահեստամասերի մասին է, այդ ԶՀՀ-ները Ուկրաինայի հակաօդային պաշտպանության հիմքն են կազմում։ Ընդ որում, Ռուսաստանը, ինչպես նշում են լրագրողները, թևավոր հրթիռների մեծ զինանոց ունի։
Նրանք նաև մեջբերել են Կիևի Ռազումկովի վերլուծական կենտրոնի աշխատակից Ալեքսեյ Մելնիկին, որն ընդգծել է, որ Ռուսաստանի հրթիռների պաշարների սպառման մասին ենթադրություններ անելը լավագույն ռազմավարությունը չէ:
Ավելի վաղ հաղորդվել էր, որ Եվրամիությունը որոշել է 2 մլրդ եվրոյով ավելացնել Խաղաղության եվրոպական հիմնադրամի բյուջեն, որը ֆինանսավորում է Ուկրաինային զենքի մատակարարումը: ԵՄ արտաքին գործերի և անվտանգության քաղաքականության գերագույն ներկայացուցիչ Ժոզեպ Բորելը հայտարարել է, որ այդ որոշումը ԵՄ-ին ֆինանսավորում կապահովի, որպեսզի շարունակեն ռազմական աջակցություն ցուցաբերել միության գործընկերների զինված ուժերին։