Հայաստանի առանձին շրջաններում թույլ ձյուն կտեղա. եղանակի տեսություն

ԵՐԵՎԱՆ, 5 դեկտեմբերի – Sputnik. Այսօր և վաղը Հայաստանի առանձին շրջաններում սպասվում է թույլ ձյուն և մառախուղ: Տեղեկությունը հայտնում է Հիդրոօդերևութաբանության և մոնիտորինգի կենտրոնը։

Ըստ հաղորդագրության` դեկտեմբերի 8-10-ը տեղումներ չեն գրանցվի։

Օդի ջերմաստիճանը դեկտեմբերի 8-10-ն աստիճանաբար կբարձրանա 2-3 աստիճանով, Լոռիում, Տավուշում, Սյունիքում և Արցախում՝ 5-7 աստիճանով:

Երևանում առաջիկա օրերին տեղումներ չեն սպասվում։ Այսօր ցերեկային ժամերին մայրաքաղաքում կգրանցվի 4-6 տաքություն, գիշերը` 1 աստիճան ցրտից 1 աստիճան տաքություն։