Ուկրաինական զորքը հրթիռակոծել է Դոնեցկի Արտյոմի փողոցի և Տրուդ պողոտայի խաչմերուկում գտնվող Սուրբծննդյան տաճարը։ Տեղեկությունը հայտնում է ՌԻԱ Նովոստիի թղթակիցը։
Ուկրաինայի ռազմական հանցագործությունների հետ կապված հարցերի վերահսկման և համակարգման համատեղ կենտրոնում Դոնեցկի Ժողովրդական Հանրապետության ներկայացուցչությունն ավելի վաղ հայտարարել էր, որ ուկրաինական զորքերը ժամը 03։49–ին «Գրադ» համազարկային կրակի ռեակտիվ համալիրից 10 հրթիռ են արձակել Դոնեցկի կենտրոնում գտնվող Վորոշիլովյան շրջանի ուղղությամբ:
ՌԻԱ Նովոստիի թղթակցի տվյալով` հրթիռակոծության հետևանքով Արտյոմի և Պոստիշևի փողոցում 2 քաղաքացիական օբյեկտ է հրդեհվել։ Երկրորդ հասցեում ծիսական գործակալություն է գործում։
Տեղում աշխատում են ԱԻՆ աշխատակիցները, տուժածների մասին տեղեկությունը ճշտվում է։
Հիշեցնենք՝ փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 284-րդ օրը։