ԵՐԵՎԱՆ, 27 նոյեմբերի – Sputnik. ՀԱՊԿ-ը Հայաստանին օգնության համար միջոցառումների մի ամբողջ համալիր է առաջարկել, այդ թվում՝ Ադրբեջանի հետ սահման առաքելություն ուղարկել, որը կգնահատի իրավիճակը։ Տեղեկությունը բելառուսական ОНТ հեռուստաալիքի հետ զրույցում հայտնել է կազմակերպության գլխավոր քարտուղար Ստանիսլավ Զասը։
«Իրավիճակը բարդ է, նախևառաջ Հայաստանի ու Ադրբեջանի սահմանին, այնտեղ գրեթե ամեն օր փոխհրաձգություններ են տեղի ունենում։ Ընդհանուր առմամբ, այն միջոցառումների համալիրը, որն առաջարկվում է ՀԱՊԿ-ի կողմից որպես օգնություն Հայաստանին, իսկ այնտեղ միջոցառումները տարբեր են՝ և՛ քաղաքական-դիվանագիտական, և՛ ռազմական, այդ թվում՝ առաքելության ուղարկում այդ սահման, որն իրապես կգնահատի իրավիճակը, դրանք ընդհանուր առմամբ բոլոր պետությունների կողմից աջակցություն են ստացել», - ասել է Զասը։
Նրա խոսքով՝ միակ բանը, որին չի հաջողվել հասնել, այն իրավիճակի համախմբված գնահատումն է, որն այնտեղ ստեղծվել է։
Հիշեցնենք, որ Երևանում ՀԱՊԿ գագաթաժողովի շրջանակում Ստանիսլավ Զասը հայտարարել էր, որ Հայաստանին օգնությունցուցաբերելու մասին փաստաթուղթը գրեթե պատրաստ է, բայց որոշակի լրամշակումների կարիք ունի: Հանձնարարություն է տրվել լրամշակել այդ փաստաթուղթը և ներկայացնել այն ստորագրման պետությունների ղեկավարներին։