ԵՐԵՎԱՆ, 25 նոյեմբերի – Sputnik. Արմավիրի մարզում` Երևան–Մարգարա ճանապարհին, վթար է եղել։ Կա զոհ։ Տեղեկությունը հայտնում է ՀՀ արտակարգ իրավիճակների նախարարության մամուլի ծառայությունը։
Նշվում է, որ դեպքի մասին ահազանգը ստացվել է նոյեմբերի 25-ին` ժամը 18։47-ին։
«Դեպքի վայր մեկնած հրշեջ-փրկարարները պարզել են, որ Երևան-Մարգարա ավտոճանապարհի առաջին կմ-ին «Nissan X Trail» մակնիշի ավտոմեքենան (վարորդ՝ Հ. Կ., ծնված 1954 թ.) բախվել է ճանապարհին կայանած բեռնատարի կցորդիչին. վարորդը տեղում մահացել է»,– ասված է հաղորդագրությունում։
Փրկարարները հոսանքազրկել են ավտոմեքենան, փակել գազի բալոնի փականը։