ԵՐԵՎԱՆ, 22 նոյեմբերի – Sputnik. Այսօր խոշոր ու շղթայական ավտովթար է տեղի ունեցել Գեղարքունիքի մարզում, ինչի հետևանքով 9 մարդ է հոսպիտալացվել։ Տեղեկությունը հայտնում է shamshyan.com-ը։
Ըստ կայքի` ժամը 21։20-ի սահմաններում Սևան-Մարտունի-Գետափ ավտոճանապարհի 33 կմ հատվածում բախվել են 6 մեքենա` Lexus, Mercedes, 2 BMW, VAZ 21010, Opel և ZIL մակնիշի։
Վթարի հետևանքով 9 հոգի տարբեր աստիճանի մարմնական վնասվածքներով տեղափոխվել են Գավառի բժշկական կենտրոն։ Տուժածներին առաջինը օգնության են հասել քաղաքացիները։
Վթարի փաստով նախաձեռնվել է վարույթ։ Ոստիկանները պարզում են վարորդների և վիրավորների ինքնությունը։ Բախման հետևանքով մի քանի ավտոմեքենաներ դուրս են եկել երթևեկելի գոտուց և հայտնվել դաշտում։