Դատավոր Արուսյակ Ալեքսանյանը կմնա կալանքի տակ

ԵՐԵՎԱՆ, 18 նոյեմբերի – Sputnik. ՀՀ վերաքննիչ քրեական դատարանը մերժեց Արուսյակ Ալեքսանյանի պաշտպանների բողոքը, ինչը նշանակում է, որ դատավոր Արուսյակ Ալեքսանյանը կշարունակի մնալ կալանքի տակ: Տեղեկությունը Sputnik Արմենիայի հետ զրույցում հայտնեց Ալեքսանյանի պաշտպան Երեմ Սարգսյանը։

Հիշեցնենք` դատարանի որոշմամբ հոկտեմբեր 19–ին կալանավորվել էր Երևանի ընդհանուր իրավասության դատարանի դատավոր Արուսյակ Ալեքսանյանը։

Ավելի վաղ հայտնի էր դարձել, որ դատավոր Արուսյակ Ալեքսանյանին պաշտոնեական լիազորությունները չարաշահելու մեղադրանք է առաջադրվել։ Նույն գործի շրջանակներում հոկտեմբերի 21–ին կալանավորվել է նաև փաստաբան Էրիկ Ալեքսանյանը՝ դատավոր Ալեքսանյանին աջակցելու համար: