ԵՐԵՎԱՆ, 16 նոյեմբերի – Sputnik. «Հայ ազգային կոնգրես» կուսակցության փոխնախագահ Արամ Մանուկյանը ստիպված կլինի ներողություն խնդրել ՀՀ երկրորդ նախագահ Ռոբերտ Քոչարյանից։ Նման որոշում է կայացրել Վերաքննիչ դատարանը, գրում է «Հրապարակ» թերթը։
Դատարանի որոշման համաձայն՝ ՀԱԿ փոխնախագահը պետք է հրապարակի հետևյալ տեքստը.
«Ես՝ Արամ Մանուկյանս,ներողություն եմ խնդրում 2019 թվականի հունվարի 25-ին www.1in.am տեղեկատվական վերլուծական կայքով հրապարակված «Հոծ գիծ Նվեր Մնացականյանի հետ» հաղորադաշարի ընթացքում իմ կողմից Ռոբերտ Քոչարյանի հասեցին արված «արյունարբու, անաղուհաց, նենգ մարդ» արտահայտությունների համար»։
Նշվում է, որ Մանուկյանը մեկ ամիս ժամանակ ունի այս որոշումը Վճռաբեկ դատարանում բողոքարկելու համար։
ՀՀ 2–րդ նախագահ Ռոբերտ Քոչարյանը Վերաքննիչ դատարան էր դիմել 2019 թվականին և Մանուկյանից պահանջել հրապարակավ ներողություն խնդրել զրպարտության համար։