ԵՐԵՎԱՆ, 13 նոյեմբերի – Sputnik. Ճանաչված երգիչ Անդրեն շնորհավորել է իր ընտրյալին` Անի Օհանյանին, ծննդյան օրվա կապակցությամբ։ Արտիստն «Ինստագրամում» սիրառատ մի քանի լուսանկար է հրապարակել ու կից գրառում կատարել. «Ծնունդդ շնորհավոր, իմ սեր։️ Շնորհակալ եմ քեզ, որ դու կաս իմ կյանքում»։
Հրապարակման տակ հետևորդները բազմաթիվ մեկնաբանություններ են գրել. «Շնորհավոր, Անի ջան։ Միշտ էսքան ջերմություն գա ձեզնից», «Չգիտեմ ինչո՞ւ, բայց շատ ուրախ եմ ձեր համար։ Լիքը սեր։ Շնորհավոր», «Ինչքա՜ն լավն եք, Աստված պահի և օրհնի ձեր միությունը, սիրելի արտիստ։ Շնորհավոր գեղեցիկ ընտրյալիդ ծնունդը», «Հրաշքներ»։
Հիշեցնենք, որ շուրջ երկու շաբաթ առաջ Անդրեն Տաթևի վանքում ամուսնության առաջարկ էր արել Անիին, որն էլ ընդունել էր այն։
Զույգը ծանոթացել է հեռուստատեսային նախագծերից մեկում, որտեղ Անդրեն ժյուրիի կազմում էր, իսկ Անին մասնակցում էր մրցույթին։ Աղջիկը նոր է սկսում իր երգչուհու կարիերան։ Նա 21 տարեկան է, ծնվել է Արմավիր քաղաքում, բայց մեծացել է Սանկտ Պետերբուրգում։
Անդրեն ծնվել է 1979 թվականին Արցախում, սակայն երկար տարիներ ապրել և աշխատել է Հայաստանում։ Վերջին տարիներին Անդրեն բնակություն է հաստատել ԱՄՆ-ում, թեև հայրենիք հաճախ է գալիս։
Տարեսկզբին նա բարդ վիրահատության էր ենթարկվել ԱՄՆ-ում, որից հետո վերադարձել է Հայաստան ու մի քանի ամիս է, ինչ բնակվում է հայրենիքում։