ԱՄՆ Դալաս քաղաքում ավիաշոուի ժամանակ 2 ինքնաթիռի բախման հետևանքով 6 մարդ մահացել է։ Այս մասին հայտնել է Դալասի դատավոր Քլեյ Ջենկինսը։
Ավելի վաղ, տեղի ABC News հեռուստաընկերության մասնաճյուղը տեղեկացրել էր, որ ամերիկյան B-17 ռետրոռմբակոծիչը Դալասի ավիաշոուի ժամանակ մեկ այլ ինքնաթիռի է բախվել և ռմբակոծիչի բեկորներն ընկել են մոտակա մայրուղու վրա։
«Դալասի շրջանի բժշկական փորձագետի տվյալներով, Wings over Dallas ավիաշոուի ժամանակ մահացել է 6 մարդ»,– Twitter–ում գրել է Ջենկինսը։
Նա նաև հավելել է, որ իրավապահ մարմինները դեպքի առնչությամբ հետաքննություն են իրականացնում և փորձում են նույնականացնել զոհերին։