ԵՐԵՎԱՆ, 8 նոյեմբերի - Sputnik. ԵԱՏՄ գործընկերների հետ Հայաստանի, Ղազախստանի և Ղրղզստանի առևտուրը 2022 թվականի հունվար-օգոստոսին աճել է 13 տոկոսով։ Այս մասին հայտնում է Եվրասիական զարգացման բանկի Telegram ալիքը։ Հուլիսի 11,3%-ի համեմատ աճն արագացել է։
Բացարձակ թվերով` այս երեք երկրները ԵԱՏՄ գործընկերների հետ առևտուրն ավելացրել են 2,6 մլրդ դոլարով, այդ թվում Ռուսաստանի հետ՝ 2,4 մլրդ դոլարով: Հայաստանը ԵԱՏՄ երկրների հետ առևտուրն ավելացրել է 1,2 մլրդ դոլարով, Ղազախստանն ու Ղրղզստանը՝ 0,7 մլրդ դոլարով:
Հայաստանից Ռուսաստան արտահանումն աճել է 0,5 մլրդ դոլարով, ինչը պայմանավորված է եվրոպական մատակարարումների (պարենի, ինչպես նաև սարքավորումների որոշ տեսակների) փոխարինմամբ։ Ընդհանուր առմամբ, ԵԱՏՄ երկրների մասնաբաժինը Հայաստանի արտաքին առևտրում աճել է` հասնելով 35,5%-ի (մեկ ամիս առաջ այն կազմում էր 34,6%)։
2020-2021 թվականների անկումից հետո Հայաստանը նշված ամիսներին արագ տեմպերով վերականգնել է առևտուրը գործընկերների հետ. Ղազախստանի հետ` 2,6 անգամ, Բելառուսի հետ` 2,4 անգամ, Ղրղզստանի հետ` 1,9 անգամ և Ռուսաստանի հետ` 1,7 անգամ։
Արդյունքում Հայաստանը ԵԱՏՄ մյուս երկրների հետ առևտրի շրջանառությամբ հասել է Ղրղզստանին։
Արդյունքում Հայաստանը ԵԱՏՄ մյուս երկրների հետ առևտրի շրջանառությամբ հասել է Ղրղզստանին։