ԵՐԵՎԱՆ, 1 նոյեմբերի – Sputnik. Հայաստանի մաքսային տերմինալներից մեկում ՊԵԿ–ը մեծ քանակությամբ պայթյունավտանգ նյութեր է հայտնաբերել։ Այս մասին այսօր ԱԺ–ում հայտնեց ՀՀ ՊԵԿ նախագահ Ռուստամ Բադասյանը` նշելով, որ «Սուրմալուի» ողբերգական դեպքից հետո ՊԵԿ–ն իր գործունեության տիրույթում պայթյունավտանգ նյութերի անվտանգությանն ուղղված ստուգումներ է անցկացրել։
«Այնպես չէ, որ դա կոնկրետ վտանգի աղբյուր էր, բայց հիմա մենք զբաղվում ենք, որպեսզի այդ ապրանքն ավելի անվտանգ տարածք տեղափոխենք»,– ասաց Բադասյանը։
ՊԵԿ նախագահը հիշեցրեց, որ օրենքով պյթյունավտանգ ու դյուրավառ նյութերով բռնված ավտոմեքենաները մաքսակետը պետք է հատեն արտահերթ։ Բայց ստուգումների ընթացքում հերթում նման մեքենայի կանգնած լինելու դեպք էլ էարձանագրվել։
«Խնդիրն այն էր, որ այդ մեքենան եկել էր ԵԱՏՄ երկրից ու որոշակի ձևակերպումներ պիտի անցներ, որտեղ հերթ էր։ Մենք այդ հարցին ուշադրություն դրաձրեցինք, որպեսզի, ինչպես նախատեսված է օրենքով, իրենք մաքսակետը հատեն արագ»,– ասաց ՊԵԿ նախագահը։
ԵԱՏՄ-ն միջազգային ինտեգրացիոն տնտեսական միավորում է, որը ստեղծվել է Մաքսային միության և միասնական տնտեսական տարածքի հիման վրա։ Այն գործում է 2015 թվականի հունվարի 1-ից: ԵԱՏՄ անդամներն են Ռուսաստանը, Հայաստանը, Բելառուսը, Ղազախստանը և Ղրղզստանը։