Շախտյորսկի երկաթուղային կայարանում այրվել են վառելիքով լի ցիստեռնները։ Այդ ուղղությամբ այսօր ուկրաինական զինվորականները հարվածներ են հասցրել HIMARS ամերիկյան համազարկային կրակի ռեակտիվ համակարգով։ Եվս մեկ արկ ընկել է նավթաբազայի տարածքում։
Այրվել է վառելիքով լի 8 ցիստեռն, իսկ նավթաբազայում 3 տարրա։ Այս մասին ՏԱՍՍ–ին ասել է քաղաքապետ Ալեքսանդր Շատովը։ Տուժածների և ավերածությունների մասին տեղեկությունը ճշտվում է։
Ավելի վաղ Ուկրաինայի ռազմական հանցագործությունների հետ կապված հարցերի վերահսկման և համակարգման համատեղ կենտրոնում ԴԺՀ ներկայացուցչությունը հայտնել է, որ Շախտյորսկի ուղղությամբ 3 HIMARS հրթիռ է արձակվել։ Նախորդ գնդակոծությունը տեղի է ունեցել չորեքշաբթի լույս հինգշաբթի գիշերը։ Այդ ժամանակ ևս այրվել են երկաթուղային կայարանում գտնվող վառելիքի ցիստեռններ, ինչպես նաև մոտակայքում տեղակայված տարածքներ և տներ։ Ժամը 02։19-ին հրդեհը մեկուսացվել էր։