ԵՐԵՎԱՆ, 27 հոկտեմբերի – Sputnik. ՌԴ ԱԳՆ փոխնախարար Օլեգ Սիրոմոլոտովը մեղադրել է Ուկրաինային ռազմական հանցագործություններ կատարելու մեջ։ Նրա խոսքերն է մեջբերում ՌԻԱ Նովոստին։
«Խոսքը կենդանի վահանների օգտագործման, կրակի անկանոն կիրառման, ռազմագերիների խոշտանգումների, ԴԺՀ–ի, ԼԺՀ–ի, ՌԴ Զապորոժիեի և Խերսոնի մարզերում կառավարման մարմինների քաղաքացիական աշխատակիցների վրա մահափորձերի կազմակերպման մասին է», – ասել է դիվանագետը։
Սիրոմոլոտովը նշել է, որ Ռուսաստանն «ահաբեկչական մեթոդներ» տերմինն է կիրառում ռազմական գործողությունների նկարագրման համար, սակայն այն կապ չունի ահաբեկչության հետ որպես քրեական հանցագործություն։
ՌԴ ԱԳՆ պաշտոնական ներկայացուցիչ Մարիա Զախարովան ավելի վաղ պատասխանել էր Մոսկվայի հասցեին հնչեցրած մեղադրանքներին առ այն, որ ՌԴ-ն գնդակոծում է Ուկրաինայի քաղաքացիական ենթակառուցվածքները՝ դրանք շինծու անվանելով։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 245-րդ օրը։