ԵՐԵՎԱՆ, 26 հոկտեմբերի – Sputnik. Խերսոնի մարզը որևէ մեկը չի հանձնելու, ՌԴ զորքն այնտեղից չի հեռանա։ Այս մասին այսօր վստահեցրել է փոխմարզպետ Կիրիլ Ստրեմոուսովը։
«Ուզում եմ հանգստացնել բոլոր նրանց, ովքեր մատահոգվում են, թե Խերսոնի մարզը կհանձնեն, որ Ռուսաստանը կնահանջի։ Եվս մեկ անգամ հիշեցնում ենք, որ Ռուսաստանը յուրայիններին չի թողնում, որ Ռուսաստանն այսօր դա Խերսոնի մարզն է, և մենք գործում ենք որպես միասնական պետություն», – ասել է Ստրեմոուսովն իր Telegram ալիքում հրապարակված տեսաուղերձում։
Տեղեկություններ կան, որ Խերսոնի մարզում ուկրաինական փոքր խմբեր են անդադար գրոհում, սակայն՝ անարդյունք։
ՌԴ ՊՆ–ն նախօրեին հայտնել էր, որ մեկ օրում` Իշչենկա և Բրուսկինսկոյե գյուղերի շրջանում 2 վաշտի ուժերով իրականացվող ուկրաինական հարձակումները հետ մղելիս հակառակորդը մինչև 130 զինվորական, երեք տանկ և 9 զրահամեքենա է կորցրել։
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 244-րդ օրը։