Պյատիգորսկում ՌԴ-ում արգելված «Իսլամական պետություն» ահաբեկչական խմբավորման կողմնակիցները ձերբակալվել են ոստիկանության քաղաքային բաժնում պայթյուն նախապատրաստելու համար։ Տեղեկությունն հաղորդում է ՌԴ ԱԴԾ-ն:
«Ստավրոպոլի երկրամասի տարածքում ահաբեկչություն է կանխվել։ Պյատիգորսկում բացահայտվել ու կասեցվել է ԻՊ միջազգային ահաբեկչական կազմակերպության կողմնակիցների գաղտնի խմբավորման հանցավոր գործունեությունը», - նշված է հաղորդագրության մեջ:
Խուզարկությունների ժամանակ նրանցից առգրավվել են ռումբի բաղադրիչներ, այդ թվում՝ խոցող տարրեր, հավաքման սխեմաներ, «Իսլամական պետության» սիմվոլիկան։ Նրանց մտադրությունները հաստատում է գաջեթներում հայտնաբերված նամակագրությունը համակարգողների հետ։
Ձերբակալվածները խոստովանական ցուցմունքներ են տվել։ Ահաբեկչական գործողության նախապատրաստվելու վերաբերյալ քրեական գործ է հարուցվել։