Արցախի մարդու իրավունքների պաշտպան Գեղամ Ստեփանյանը տեսանյութ է հրապարակել` անդրադառնալով Ադրբեջանի զինված ուժերի կողմից հայկական մշակութային ժառանգության նկատմամբ վանդալիզմի և ոչնչացման դեպքերին։
Դրանք հիմնականում Արցախի վերահսկողությունից դուրս մնացած տարածքներում են։ Մասնավորապես, խոսքը վերաբերում է Ղազանչեցոցին, Կանաչ ժամին, Մեխակավանի և այլ եկեղեցիների ավերմանն ու ոչնչացմանը։
Տեսանյութում ներկայացված են նաև հայկական հուշակոթողները, որոնք ադրբեջանցիներն ավերել են։ Բոլոր տարածքներում, որոնք անցել են Ադրբեջանի վերահսկողության ներքո, կան ավերված ու պղծված եկեղեցիներ ու հուշարձաններ։