Ուկրաինայի Դնեպրոպետրովսկ քաղաքի էներգետիկ ենթակառուցվածքների օբյեկտին երկու հարցածները լուրջ վնաս են պատճառել։ Տեղեկությունը հաղորդում է Ռիա Նովոստին` հղում անելով Վլադիմիր Զելենսկու գրասենյակի ղեկավարի տեղակալ Կիրիլ Տիմոշենկոյին:
Տեսանյութում, որը նկարահանել են ականատեսները, ենթադրաբար Դնեպրոպետրովսկի ՋԷԿ-ն է: Գնդակոծությունների պատճառով քաղաքի որոշ շրջաններում կարող է լույս ու ջուր չլինել։
Ուկրաինական ենթակառուցվածքներին ՌԴ զինված ուժերը սկսել են հարվածներ հասցրել մեկ շաբաթ առաջ` հոկտեմբերի 10-ին, Ղրիմի կամրջի վրա տեղի ունեցած ահաբեկչությունից երկու օր անց, որի հետևում, ռուսական իշխանությունների գնահատմամբ, կանգնած են ուկրաինական հատուկ ծառայությունները։ ՌԴ նախագահ Վլադիմիր Պուտինը հայտարարեց է, որ կամրջի վրա տեղի ունեցած պայթյունով Կիևն իրեն նույն հարթակում է դրել ամենատխրահռչակ ահաբեկչական խմբավորումների հետ, և «այդ կարգի հանցագործություններն անպատասխան թողնել արդեն ուղղակի անհնար է»:
Հարվածներ են հասցվում ամբողջ երկրի էներգետիկայի, պաշտպանության, ռազմական կառավարման և կապի օբյեկտներին Խարկովից ու Կիևից մինչև Լվով և Իվանո-Ֆրանկովսկ` էլեկտրաէներգիայի մատակարարման զանգվածային խափանումներ առաջացնելով:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 236-րդ օրը։