Ցուցարարների և ոստիկանության միջև բախումներ են տեղի ունեցել Փարիզում արհմիությունների բողոքի ակցիայի ժամանակ։ Այս մասին հայտնում է ՌԻԱ Նովոստին։
Ավելի վաղ ակցիայի մասնակիցները դուրս էին եկել Փարիզի փողոցներ` պահանջելով գնաճի պատճառով բարձրացնել աշխատավարձն ու բարելավել աշխատանքային պայմանները։
Ցույցերին հազարավոր մարդիկ են մասնակցում, այդ թվում` տրանսպորտի, էներգետիկայի, սննդային արդյունաբերության, առևտրի, կրթության և առողջապահության ոլորտի աշխատակիցներ։
Ցուցարարների թվում են նաև «դեղին բաճկոններ» շարժման կողմնակիցները, տարբեր երիտասարդական կազմակերպություններ, ձախակողմյաններ, կոմունիստներ և black bloc–ից արմատական տրամադրված երիտասարդներ։
Բախումները եղել էին black bloc–ի արմատական տրամադրվածություն ունեցող երիտասարդների գործողությունների հետևանքով։ Նրանք կոտրում են բանկերի ցուցափեղկերը, ավիրում կանգառները, այրում աղբամանները, իրավապահների կողմ ապակյա շշեր ու ծխագլանիկներ նետում։
Ի պատասխան ոստիկանությունը մի կողմ է քաշել ագրեսիվ ցուցարարներին, այդ թվում` արցունքաբեր գազի օգնությամբ։