ԵՐԵՎԱՆ, 18 հոկտեմբերի – Sputnik. Օդեսայում, Օդեսայի և Չերնիգովի շրջաններում օդային տագնապ է հայտարարվել, հաղորդում է ՌԻԱ Նովոստին՝ վկայակոչելով տեղի իշխանություններին:
Այսօր ավելի վաղ օդային տագնապ էին հայտարարել Կիևում, Չերկասի և Պոլտավայի շրջաններում: Կրիվոյ Ռոգի իշխանությունները հայտնել են քաղաքի հյուսիսային մասում տեղի ունեցած պայթյունի մասին։
Օդային տագնապի մասին հայտարարել են Օդեսայի քաղաքապետարանը, ինչպես նաև Չերնիգովի մարզի իշխանությունները։
Ուկրաինական ենթակառուցվածքներին ՌԴ զինված ուժերը սկսել են հարվածներ հասցրել մեկ շաբաթ առաջ` հոկտեմբերի 10-ին` Ղրիմի կամրջի վրա տեղի ունեցած ահաբեկչությունից երկու օր անց, որի հետևում, ռուսական իշխանությունների գնահատմամբ, կանգնած են ուկրաինական հատուկ ծառայությունները:
Ինչպես հայտարարել է ՌԴ նախագահ Վլադիմիր Պուտինը, կամրջի վրա տեղի ունեցած պայթյունով Կիևն իրեն նույն հարթության մեջ է դրել ամենատխրահռչակ ահաբեկչական խմբավորումների հետ, և «այդ կարգի հանցագործություններն անպատասխան թողնելն արդեն ուղղակի անհնար է»:
Հարվածներ են հասցվում ամբողջ երկրի էներգետիկայի, պաշտպանության, ռազմական կառավարման և կապի օբյեկտներին` Խարկովից ու Կիևից մինչև Լվով և Իվանո-Ֆրանկովսկ՝ էեկտրաէներգիայի մատակարարման զանգվածային խափանումներ առաջացնելով:
Հիշեցնենք` փետրվարի 24-ի վաղ առավոտյան Ռուսաստանի նախագահ Վլադիմիր Պուտինը հայտարարեց, որ Ուկրաինայի նկատմամբ հատուկ ռազմական գործողության մասին որոշում է կայացրել, քանի որ ԼԺՀ-ն ու ԴԺՀ-ն դիմել են օգնության խնդրանքով։
Ուկրաինայում մարտական գործողություններն ընթանում են արդեն 236-րդ օրը։