Օրը անձրևային կլինի. եղանակի տեսություն

ԵՐԵՎԱՆ, 14 հոկտեմբերի - Sputnik. Հայաստանի Հանրապետության տարածքում հոկտեմբերի 14-18-ն առանձին շրջաններում սպասվում է անձրև, 18-ի ցերեկը հնարավոր է նաև ամպրոպ:

Տեղեկությունը հայտնում են ՇՄՆ «Հիդրոօդերևութաբանության և մոնիտորինգի կենտրոն» ՊՈԱԿ-ից։

Քամին՝ արևմտյան` 2-5 մ/վ, ամպրոպի ժամանակ քամու ուժգնացում՝ 17-20 մ/վ արագությամբ:

Օդի ջերմաստիճանը հոկտեմբերի 14-15-ի ցերեկն աստիճանաբար կնվազի 2-4 աստիճանով:

Երևանում հոկտեմբերի 16-18-ը հնարավոր է կարճատև անձրև։

Մայրաքաղաքում օդի ջերմաստիճանը սպասվում է ցերեկը 19-21, երեկոյան՝ 13-15 աստիճան։